واشنگٹن (فلسطین نیوز۔مرکز اطلاعات) امریکا کے مقبول اور عالمی شہرت یافتہ ٹیلی ویژن نیٹ ورک ’سی این این‘ کی جانب سے کرائے گئے رائے عامہ کے ایک جائزے میں امریکی عوام کی اکثریت نے صدر ڈونلڈ ٹرمپ کی اسرائیل نوازی پر مبنی پالیسی کو مسترد کردیا ہے۔
فلسطین نیوز کو موصول ہونے والی اطلاعات کے مطابق ’سیÂ این این‘ کی جانب سے کرائے گئے سروے میں کہا گیا ہے کہ دو تہائی امریکی شہری تنازع فلسطین کے حوالے سے غیر جانب داری کے حامی ہیں۔ جب کہ امریکیوں کی اکثریت نے ڈونلڈ ٹرمپ کی جانب سے بیت المقدس کو اسرائیل کا دارالحکومت بنائے جانے کو مسترد کردیا ہے۔سروے رپورٹ کے مطابق امریکی عوام ڈونلڈ ٹرمپ کے اعلان القدس کے معاملے میں تقسیم ہیں۔ رپورٹ کے مطابق 49 فی صد امریکیوں نے القدس کو اسرائیلی ریاست کا دارالحکومت قرار دینے کی حمایت کی ہے جب کہ 46 فی صد نے ٹرمپ کے اعلان القدس کی مخالفت کی ہے۔
سروےÂ کے مطابق امریکیوں کی دو تہائی اکثریت مشرق وسطیٰ کے تنازع میں کسی ایک فریق کی طرف داری کی مخالف ہے۔ جب کہ 24 فی صد نے اسرائیل کا ساتھ دینے اور دو فی صد نے فلسطینیوں کا ساتھ دینے پر زور دیا ہے۔
یہ سروے جائزہ 14 دسمبر سے 17 دسمبر تک جاری رہا۔ اس میں سروے میں ایک ہزار سے زائد امریکی شہریوں کی رائے لی گئی۔