واشنگٹن ( فلسطین نیوز۔مرکز اطلاعات ) تین امریکی سینیٹروں کی ٹیم نے ایک بار پھر امریکی صدر ٹرمپ کے استعفے کا مطالبہ کیا ہے۔
فلسطین نیوز کو موصول ہونے والی اطلاعات کے مطابق تین امریکی سینیٹروں برنی سنڈرز، کوری یوکر اور جیف مرکلی نے اخلاقی اسکینڈل میں ملوث پائے جانے کے الزام کی بنا پر صدر ٹرمپ کے استعفے کا مطالبہ کیا ہے۔سینیٹر برنی سنڈرز نے اس بارے میں کہا کہ ٹرمپ کو بھی چاہئے کہ وہ سینیٹر ایل فرانکن کی ہی طرح اخلاقی برائیوں میں ملوث پائے جانے کے الزام کے پیش نظر اپنے عہدے سے استعفے دے دیں۔
سینیٹر یوکر نے بھی کہا کہ ٹرمپ پر اخلاقی برائیوں کا الزام بہت ہی سنگین ہے اور اس معاملے میں مزید کئی عورتوں کے نام سامنے آئے ہیں۔
ان سینیٹروں نے اس سے پہلے بھی ٹرمپ کے استعفے کا مطالبہ کیا تھا لیکن اب جبکہ کئی اراکین کانگریس نے اخلاقی برائیوں میں ملوث ہونے کے الزام کے تحت اپنے عہدوں سے استعفا دے دیا ہے ان سینیٹروں نے ایک بار پھر ٹرمپ کے استعفے کی مانگ کی ہے۔
ڈیموکریٹ سینیٹر ایل فرانکن اور ایوان نمائندگان کے رکن جان کانیرز نے پچھلے دنوں اخلاقی اور جنسی برائیوں میں ملوث ہونے کے الزام میں اپنے عہدوں سے استعفا دے دیا تھا۔