میڈریڈ (فلسطین نیوز۔مرکز اطلاعات) اسپین کی حکومت نے مقبوضہ بیت المقدس میں ’خان الاحمر‘ کے مقام پر فلسطینی شہریوں پر اسرائیلی فوج کے وحشیانہ تشدد کی شدید مذمت کی ہے۔
فلسطین نیوز کو موصول ہونے والی اطلاعات کے مطابق اسپین کی حکومت کی طرف سے جاری ایک بیان میں کہا گیا ہے کہ مشرقی بیت المقدس میں خان الاحمر اور ابو النوار میں فلسطینیوں کو جبرا بے دخل کرنا قابل مذمت اقدام ہے۔اسپانوی حکومت نے صہیونی ریاست پر زور دیا ہے کہ وہ خان الاحمر میں اپنے توسیع منصوبوں پر عمل درآمد کی خاطر فلسطینیوں پر تشدد کا سلسلہ بند کرے۔
بیان میں مزید کہا گیا ہے کہ فلسطینی علاقوں میں صیہونی ریاست کی جانب سے فلسطینیوں کی بے دخلی کے آپریشن بین الاقوامی قوانین کی صریح خلاف ورزی ہے۔