مقبوضہ بیت المقدس (فلسطین نیوز۔مرکز اطلاعات) تین روز قبل غزہ کی سرحد پر نامعلوم فلسطینی نشانہ باز کی گولی سے بلٹ پروف جیکٹ پہنے فوجی کو گولی لگنے اور اس کے نتیجے میں فوجی اہلکار کی ہلاکت نے فوج کو حیران و پریشان کردیا ہے۔
فلسطین نیوز کو موصول ہونے والی اطلاعات کے مطابق اسرائیل کے عبرانی اخبار ’معاریو‘ نے اپنی رپورٹ میں بتایا ہے کہ فوج نے اس واقعے کی تحقیقات شروع کی ہیں کہ آیا جمعہ کے روز فوجی کو بلٹ پروف جیکٹ پہننے کے باوجود گولی جیکٹ کو کیسے پھاڑتی ہوئی فوجی کے جسم میں داخل ہوئی اور اس کے لیے جان لیوا ثابت ہوئی ہے۔رپورٹ کے مطابق فوج نے اس واقعے کی تحقیقات شروع کردی ہیں اور وہ یہ جاننے کی کوشش کررہے ہیں کہ آیا گولی کیسے بلٹ پروف زرہ اور جیکٹ کے باوجود فوجی کے لیے جان لیوا ثابت ہوئی ہے۔
خیال رہے کہ جمعہ کے روز غزہ کی سرحد پر نامعلوم فلسطینی نشانہ باز کی گولی لگنے سے ایک اسرائیلی فوجی ہلاک ہوگیا تھا۔