مقبوضہ بیت المقدس – (فلسطین نیوز۔مرکز اطلاعات) اسرائیلی حکومت نے فلسطین میں امدادی شعبے میں سرگرم ایک بین الاقوامی تنظیم ’بین الاقوامی قندیل ریلیف اینڈ ڈویلپمنٹ‘‘ کو ممنوعہ تنظیم قرار دے کر اس کی سرگرمیوں پر مکمل طور پر پابندی عائد کر دی ہے۔
فلسطین نیوز کو موصول ہونے والی اطلاعات کے مطابق اسرائیل کے عبرانی ریڈیو کی رپورٹ میں کہا گیا ہے کہ اسرائیلی وزیر دفاع آوی گیڈور لائبرمین نے ’قندیل فاؤنڈیشن‘ کی سرگرمیوں پر پابندی عائد کی ہے اور کہا ہے کہ اس تنظیم کو اسلامی تحریک مزاحمت ’حماس‘ کی معاونت حاصل ہے۔ نیز یہ تنظیم کی بھی مدد کررہی ہے۔صہیونی ریڈیو رپورٹ میں دعویٰ کیا گیا ہے کہ قند فاؤنڈیشن گذشتہ کئی سال سے بیت المقدس میں Â حماس کے منصوبوں پر کام کررہی ہے۔ بیت المقدس میں کسی ایسی تنظیم کو جسے حماس کی حمایت حاصل کام کی اجازت دینا صہیونی ریاست کی سیاست اور سلامتی کے لیے خطرہ ہے۔