مقبوضہ بیت المقدس (فلسطین نیوز۔مرکز اطلاعات) فلسطینی سیاسی رہنما نے انکشاف کیا ہے کہ یورپی ملکوں پر مشتمل اتحاد مقبوضہ فلسطینی علاقوں میں صیہونی آبادی کاری کے منصوبوں اور دو ریاستی حل پر ان کے خطرناک اثرات سے متعلق ایک تفصیلی رپورٹ جاری کرنے کا ارادہ رکھتا ہے۔
فلسطین نیوز کو موصول ہونے والی اطلاعات کے مطابق یورپی یونین کے صدر دفتر برسلز میں ہونے والے حالیہ مذاکرات کی اندرونی کہانی سے آگاہ فلسطینی سیاست دان نے نام ظاہر نہ کرنے کی شرط پر بتایا کہ اسرائیل، یروشیلم اور غرب اردن میں صیہونی آباد کاری کے درجنوں چھوٹے بڑے منصوبوں کو توسیع دینے کے کے لئے پر تول رہا ہے۔ان کا مزید کہنا تھا کہ یورپی یونین کو اس ضمن میںفلسطینی فریق سمیت "پیس ناو”، "بیتسلیم” اور انسانی امور کی تنسیق سے متعلق عالمی ادارے "OCHA” اور صیہونی آباد کاری مانیٹرنگ کرنے والی مقامی، یورپی، بین الاقوامی تنظیموں کے توسط سے قابل اعتبار نقشے اور معلومات فراہم کی ہیں۔