نئی دہلی (فلسطین نیوز۔مرکز اطلاعات) اسرائیلی ریاست کے بائیکاٹ کے لیے جاری عالمی تحریک کے اثرات بھارت میں بھی تیزی کے ساتھ پھیل رہے ہیں۔ ایک رپورٹ کے مطابق بھارت میں طلباء کی سب سے بڑی تحریک ’انڈیسن اسٹوڈنٹ فیڈریشن‘[ISF‘ نے اسرائیلی بائیکاٹ تحریک کی حمایت کا اعلان کیا ہے۔
فلسطین نیوز کو موصول ہونے والی اطلاعات کے مطابق بھارت میں طلباء تحریک کی طرف سے اسرائیلی بائیکاٹ کی تحریک کے نتیجے میں ان تمام بھارتیÂ اور اسرائیلی کمپنیوں کو بھارت میں نقصان کا سامنا کرنا پڑ رہا ہے جو مشترکہ منصوبوں پر کام کرتی ہیں۔ ان میں ٹیکنالوجی انفرااسٹرکچر کی بھارتی کمپنی ’ہیولیٹ پاکارڈ‘[HP ]کو بھارت میں ایک کروڑ 20 لاکھ ڈالر کے خسارے کا سامنا ہے۔بائیکاٹ تحریک کی جنوبی ایشیا کے خطے کی رابطہ کار’ابو رفا غوتام‘ نے بتایا کہ بھارت کی سب سے بڑی طلباء تنظیم نے صیہونی ریاست کے بائیکاٹ کے لیے کام کرنے والی بی ڈی ایس تحریک کی حمایت کرکے’ایچ پی‘ جیسی کمپنی کو مشکل میں ڈال دیا ہے۔
ادھر بھارتی طلبا تنظیم کےسیکرٹری جنرل وکرم سنگھ کا کہنا ہے کہ ’ایچ پی‘ کے بائیکاٹ کی مہم بھارت میں مزید پھیلے گی اور کمپنی کو مزید خسارے کا سامنا کرنا پڑ سکتا ہے۔ ان کا کہنا تھا کہ بھارت میں جامعات کے طلباء نے ’HP‘ کی مصنوعات کی خریداری کا بائیکاٹ کردیا ہے۔