مقبوضہ بیت المقدس (فلسطین نیوز۔مرکز اطلاعات) اسرائیلی اخبارات کے مطابق کابینہ کی سیاسی و سیکیورٹی کمیٹی نے گھروں کو زلزلہ اور بم پروف بنانے کے لیے 2030ء تک 5 ارب شیکل کی رقم کا بجٹ منظور کیا ہے۔
فلسطین نیوز کو موصول ہونے والی اطلاعات کے مطابق اسرائیلی وزارت خزانہ اور دوسری وزارتوں کے عہدیداروں پر مشتمل سیاسی و سلامتی کمیٹی کے اجلاس میں سنہ 2019ء اور 2030ء تک گھروں کو زلزلہ پروف اور بم پروف بنانے کے لیےÂ تفصیلی لائحہ عمل 60 روز کے اندرÂ اندر پیش کرنے کا فیصلہ کیا گیا۔قبل ازیں اسرائیلی وزیراعظم بنجمن نیتن یاھو نے حکمراں جماعت ’لیکوڈ‘ کے ایک اجلاس سے خطاب میں کہا کہ شمالی علاقوں میں جہاں زلزلے کے زیادہ خطرات ہیں گھروں کو زلزلہ پروف بنانے کے لیے نصف ارب شیک کی رقم جلد منظور کریں گے۔