اسرائیل کے کثیرالاشاعت عبرانی اخبار نے اپنی اتوار کی اشاعت میں بتایا ہے کہ پچھلے سال اکتوبر کے بعد سے فلسطینیوں کی تحریک انتفاضہ کے دوران چونتیس یہودی ہلاک ہوچکے ہیں جب کہ تین سو بیالیس زخمی ہیں۔ ان میں 37 زخمیوں کی حالت تشویشناک بیان کی جاتی ہے۔ 8 کو درمیانے درجے کے زخم آئے ہیں جب کہ 230 کو درمیانی اور معمولی درجے کے درمیان زخم آئے۔ 115 یہودی خوف اور دہشت کے باعث متاثر ہوئے ہیں۔
رپورٹ میں بتایا گیا ہے کہ فلسطینیوں کی جانب سے یہودی آباد کاروں پر 74 حملے گاڑیوں تلے کچلنے کے کیے گئے۔ فائرنگ کے 71 واقعات پیش آئے، 1400 بار سنگ باری کی گئی اور 168 مرتبہ دیسی ساختہ دستی بم استعمال ہوئے۔
رپورٹ کے مطابق فلسطینیوں کی جانب سے 1300 مزاحمتی کارروائیاں غرب اردن میں کی گئی ہیں جب کہ بیت المقدس میں 360 مزاحمتی کارروائیاں رپورٹ ہوئیں۔ ان کے علاوہ تل ابیب میں چار، رعنانا میں تین، بتاح تکفا، الرملہ میں دو، العفولہ، نتانیا، ریشون لتسیون، مودیعین، بیت شمیس، عسقلان، رھط اور بئر سبع میں ایک ایک کارروائی درج کی گئی۔