(فلسطین نیوز۔مرکز اطلاعات) اسرائیلی حکام کی جانب سے فلسطینی شہریوں کے بیرون ملک علاج کے لیے سفری اجازت دینے پرعائد پابندیوں کا سلسلہ اب بھی جاری ہے۔ گذشہ ایک ہفتے کے دوران مغربی کنارے کے اردن علاج کے لیے جانے والے 48 فلسطینیوں کو سفری دستاویزات مکمل ہونے کے باوجود روک دیا گیا۔
رپورٹ کے مطابق رام اللہ میں فلسطینی پولیس کی جانب سے جاری کردہ ایک بیان میں بتایا گیا ہے کہ 48 فلسطینیوں نے الکرامہ گذرگاہ سے اردن علاج کے لیے جانے کی کوشش کی مگر اسرائیلی فوج نے فلسطینیوں کو بیرون ملک علاج کے لیے جانے سے روک دیا۔
روکے گئے فلسطینی شہریوں نے بتایا کہ اسرائیلی بارڈر فورسز نے انہیں کہا کہ وہ سیکیورٹی وجوہات کی بناء پرفلسطینیوں کو اردن جانے کی اجازت نہیں دے سکتے ہیں تاہم انہوں نے نام نہاد سیکیورٹی اسباب کی تفصیل نہیں بتائی۔
رواں سال کے پہلے تین ماہ میں غرب اردن سے بیرون ملک جانے والے 503 فلسطینیوں کو بیرون ملک جانے سے روکا گیا۔