واشنگٹن (فلسطین نیوز۔مرکز اطلاعات) فلسطین میں انسانی حقوق کے لیے کام کرنے والے اداروں نے اپنی رپورٹس میں بتایا ہے کہ صیہونی حکام کی طرف سے فلسطینیوں کے خلاف نسل پرستانہ کارروائیاں جاری ہیں۔
فلسطین نیوز کو موصول ہونے والی اطلاعات کے مطابق القدس اسٹڈی سینٹر برائے اسرائیل و فلسطینی امور کی طرف سے جاری ایک رپورٹ میں بتایا گیا ہے کہ جولائی کے دوران صیہونی فوج نے فلسطینیوں کی 32 املاک جن میں گھر، دکانیں اور دیگر عمارات شامل ہیں مسمار کر دیں۔ مکانات مسماری کا سلسلہ غرب اردن، بیت المقدس، اندرون فلسطین اور شمالی اور جنوبی فلسطینی علاقوں میں جاری رہا۔صیہونی فوج نے العراقیب گاؤں جولائی میں ایک بار پھر مسمار کر کے مسماری کا 131 بار ریکارڈ مکمل کیا گیا۔ اس کے علاوہ الاخان الاحمر اور ابو النوار البدوی گاؤں بھی مسمار کیے گئے۔
رپورٹ میں کہا گیا ہے کہ گذشتہ برسوں کی نسبت فلسطین میں صیہونی آباد کاری کے ساتھ ساتھ فلسطینیوں کی املاک کی مسماری میں مسلسل اضافہ ہو رہا ہے۔ القدس مرکزکی رپورٹ میں بتایا گیا ہے کہ رواں سال گذشتہ برس کی نسبت فلسطین میں صیہونی آباد کاری میںÂ 40 فی صد اضافہ ہوا ہے۔