(فلسطین نیوز۔مرکز اطلاعات) اسرائیلی حکومت کی جانب سے دنیا بھر سے یہودی آباد کاروں کی مقبوضہ فلسطینی علاقوں میں غیرقانونی آباد کاری کا سلسلہ جاری ہے۔ اطلاعات کے مطابق صہیونی حکومت نے امریکا سے 220 یہودیوں کو فلسطینی علاقوں میں آباد کرنے کے لیے انہیں فلسطین منتقل کرنے کا اعلان کیا ہے۔
فلسطین نیوز کو موصول ہونے والی اطلاعات کے مطابق آج منگل کو 220 یہودی امریکا سے اسرائیل منتقل ہو رہے ہیں۔
رپورٹ میں بتایا گیا ہے کہ ایک یہودی تنظیم کی جانب سے امریکا سے یہودیوں کو اسرائیل لانے کا انتظام کیا گیا ہے۔ انہیں خصوصی طیارے کی مدد سے بن گوریون ہوائی اڈے لایا جائے گا۔
رپورٹ کے مطابق ’نفس بنفس موومنٹ‘ اس سے قبل امریکا اور کینیڈا سمیت دوسر ے ملکوں سے مجموعی طورپر 45 ہزار یہودیوں کو فلسطین میں آباد کر چکی ہے۔
خیال رہے کہ مذکورہ یہودی تنظیم اسرائیلی وزارت برائے ایمی گریشن، اسرائیل لینڈ فنڈ اوریہودی ایجنسی سمیت کئی دوسری تنظیموں اور اداروں کی معاونت حاصل ہے جو یہودی آباد کاری میں پیشہ وارنہ ، اقتصادی اور لاجسٹک شعبوں میں یہودی آبادی میں ملوث ہے۔