(فلسطین نیوز۔مرکز اطلاعات) خلیجی ریاست کویت کی جانب سے لبنان میں مقیم فلسطینی پناہ گزینوں کی طبی ضروریات کے لیے دو لاکھ ڈالر کی امداد فراہم کی گئی ہے۔ کویت کی طرف سے فراہم کردہ امداد اقوام متحدہ کی ریلیف اینڈ ورکس ایجنسی‘‘اونروا’’ کو موصول ہو گئی ہے۔
فلسطین نیوز کو موصول ہونے والی اطلاعات کے مطابق ‘‘اونروا’’ کی جانب سے جاری کردہ ایک بیان میں بتایا گیا ہے کہ کویت کی طرف سے لبنان میں فلسطینی پناہ گزینوں کے لیے دو لاکھ ڈالر کی امداد کا اعلان کیا گیا تھا۔ یہ امداد ‘اعانت مریض فنڈ’ کے ذریعے ادا کی گئی ہے۔‘‘اونروا’’ کا کہنا ہے کہ کویت کی طرف سے فراہم کردہ امداد سے شوگر، ذیابیطس اور بلند فشار خون کے 13 ہزار 700 مریضوں کے لیے ایک سال تک کے لیے ادویات خریدی جائیں گی۔
خیال رہے کہ اونروا کے ریکارڈ کے مطابق لبنان میں موجود فلسطینی پناہ گزینوں کی تعداد 4 لاکھ 96 ہزار ہے جن میں سے 63 فی صد پناہ گزین لبنان میں قائم 12 مہاجر کیمپوں میں رہتے ہیں۔