مقبوضہ بیت المقدس (فلسطین نیوز۔مرکز اطلاعات) اسرائیل کے ایک وزیر نے دعویٰ کیا ہے کہ گذشتہ چند برسوں کے دوران شام اور لبنان اسرائیلی فوج کو 100 سے زائد بار حملوں کی کی ہدایت کی گئی۔
فلسطین نیوز کو موصول ہونے والی اطلاعات کے مطابق علاقائی تعاون کے وزیر ’زاحی ہنگبی‘ نے ایک بیان میں کہا کہ حالیہ برسوں کے دوران اسرائیل نے شام اور لبنان پر ایک سے زائد مرتبہ فوجی کارروائیوں کے احکامات جاری کیے گئے۔ ان حملوں کا مقصد ایران کے جدید ترین ہتھیاروں کی شام اور لبنان تک رسائی روکنا تھا۔مسٹر ہنگبی نے کہا کہ تل ابیب کی طرف سے کی گئی فوجی کارروائیوں پر حزب اللہ نے کوئی جوابÂ نہیں دیا، کیونکہ اسے اندازہ تھا کہ اسرائیل اس کی کسی بھی کارروائی پرخاموش نہیں رہے گا۔ انہوں نے کہا کہ حزب اللہ کی حالیہ پالیسی سے اندازہ ہوتا ہے کہ وہ اسرائیل کے ساتھ کسی قسم کی محاذ آرائی کی خواہاں نہیں۔ بارہ سال قبل دوسری لبنان جنگ کے دوران حزب اللہ کو کاری ضرب لگائی گئی تھی۔
انہوں نے دعویٰ کیا کہ اسرائیل شام میں اپنے عسکری قوت کو بڑھا کر اپنے لیے شام میں جگہ بنا رہا ہے۔ ان کا کہنا تھا کہ ایران کی مداخلت کے باعث وادی گولان اور لبنان اسرائیل جنگ چھڑ سکتی ہے۔