فلسطین نیوز کو موصول ہونے والی اطلاعات کے مطابق غزہ کی ناکہ بندی کے خاتمے کے مطالبے پرمبنی تین روزہ مہم کے دوران برلن میں قائم یورپی ہائی کمیشن کے دفتر میں ایک یاداشت جمع کرائی گئی، جس میں یورپی ممالک سے پرزور مطالبہ کیا گیا ہے کہ وہ غزہ کا محاصرہ ختم کرانے کے لیے موثر کردار ادا کرے۔
پٹیشن میں کہا گیا ہے کہ غزہ کی پٹی پر اسرائیل کی جانب سے 10سے مسلط کردہ ناکہ بندی نے شہریوں کی زندگی اجیرن بنا رکھی ہے۔ غزہ کے دو ملین شہری ناکہ بندی کے ظلم کے باعث بنیادی ضروریات سے محروم ہیں۔ رہی سہی کسر اسرائیل کی غزہ پر مسلط کردہ جنگوں نے نکال دی ہے۔
جرمنی میں فلسطینی سوسائٹی کی جانب سے غزہ کی ناکہ بندی ختم کرانے میں ناکامی پرعالمی برادری کے کردار کو بھی ہدف تنقید بنایا گیا ہے۔ پٹیشن میں مطالبہ کیا گیا ہے کہ یورپی یونین کے ممبر ممالک غزہ کی پٹی کے عوام کی بیرون ملک آزادانہ نقل وحرکت کویقینی بنانے میں بھی معاونت کریں اور غزہ کی اندرونی اور بیرونی راہ داریوں کو کھولا جائے۔