مقبوضہ بیت المقدس (فلسطین نیوز۔مرکز اطلاعات) اسرائیل کے ملٹری انٹیلی جنس چیف نے دعویٰ کیا ہے کہ صدر محمود عباس کی طرف سے ’اونروا‘ کی امداد بند کیے جانے کے امریکی اعلان کی صرف نمائشی مخالفت کی گئی ہے۔ در پردہ وہ فلسطینی تنظیموں پر دباؤ ڈالنے کے لیے امریکا کے اس فیصلے کے حامی ہیں۔
فلسطین نیوز کو موصول ہونے والی اطلاعات کے مطابق اسرائیلی ملٹری انٹیلی جنس چیف ھرٹزی ھلیوی نے اخبار ’نیویارک پوسٹ‘ سے بات کرتے ہوئے کہا کہ فلسطینی اتھارٹی کے سربراہ محمود عباس غزہ کی پٹی میں فلسطینی تنظیموں پر دباؤ ڈالنا چاہتے ہیں۔ یہی وجہ ہے کہ وہ امریکا کی طرف سے ’اونروا‘ کی مالی امداد بند کرنے کے حامی ہیں۔ اگرچہ بہ ظاہر انہوں نے ’اونروا‘ کی امداد بند کرنے کے اعلان کی مخالفت کی ہے۔مسٹر ھلیوی کا کہنا تھا کہ صدر عباس کا ’اونروا‘ کی امداد بند کرنے کو اقوام متحدہ میں لے جانے کی دھمکی دی مگر وہ در پردہ اس حوالے سے نرمی اختیار کرنے کی پالیسی پر عمل پیرا ہیں۔