لکھے گئے مضمون میں فاضل صہیونی کالم نگار ’’نداؤ شرگائے‘‘ نے لکھا ہے کہ اسرائیلی حکومت اور فوج کی جانب سے یہودی شہریوں کو فلسطینیوں کے چاقو حملوں سے بچاؤ کے لیے جو سہولیات فراہم کی تھیں وہ سب بے کار ثابت ہوئی ہیں۔ فلسطینیوں کےچاقو حملوں کی روک تھام میں فوج اور پولیس کی ناکامی کے ساتھ شہریوں کو تحفظ فراہم کرنے میں حکومت بھی بری طرح ناکام ثابت ہوئی ہے۔
شرگائے کا کہنا ہےکہ اسرائیل کے سیکیورٹی اداروں کی جانب سے فلسطینیوں کے چاقو حملوں کی روک تھام اور ان سے بچاؤ کے لیے جتنی بھی تدابیر اختیار کی گئی تھیں وہ سب بے کار ثابت ہوئی ہیں۔فلسطینیوں کی جانب سے نہ صرف تواتر کے ساتھ چاقو سےحملے جاری ہیں بلکہ ان کی تعداد میں اضافہ ہو رہا ہے۔
اسرائیلی تجزیہ نگار نے صہیونی حکومت پر زور دیا ہے کہ اگر وہ شہریوں اور فوج کو فلسطینیوں کے چاقو حملوں سے بچاؤ میں ناکام ہے تو اسے فلسطینی قیادت سے بات چیت کرکے بھی معاملے کا کوئی حل نکالنا چاہیے ورنہ ہر یہودی اور ہرفوجی اہلکار کی جان کو خطرہ رہے گا۔
صہیونی تجزیہ نگار کا کہنا ہے کہ فلسطینیوں کو یہودی کالونیوں تک پہنچنے سے روکنے کے لیے اسرائیلی فوج نے دیوار فاصل بھی بنا رکھی ہے مگریہ دیوار فلسطینی چاقو برداروں کو روکنے میں بری طرح ناکام ہے۔