پیرکی شام مصری حکام نے مصری تحویل میں وفات پانے والے غزہ کے ایک شہری کی لاش فلسطینی حکام کے حوالے کر دی۔ ان کے مطابق وفات کی وجہ دل کا دورہ تھی۔
مرکز اطلاعات فلسطین کے نمائندے سے گفتگو کرتے ہوئےسکیورٹی ذرائع نے بتایا کہ پیر کی شام کو لاش کے ساتھ میڈیکل رپورٹ آئی جس کے مطابق 51 سالہ یوسف ابو زید کی چار روز قبل دل کے دورے سےموت کی تصدیق کی گئی تھی۔
ذرائع کے مطابق رپورٹ میں وسطی غزہ کےعلاقہ زوایدہ کے مقیم ابو زید کو ہفتوں قبل”مصرمیں انکی رہائشی مدت ختم ہونے کے باوجود رہنے کے جرم میں گرفتار کیا گیا تھا” ۔ ذرائع نے رفع بارڈر کراسنگ کے بند ہونے کی طرف اشارہ کرتے ہوئے کہا کہ وہ سرحدی راستے بند ہونے کی وجہ سے اپنے وطن نہیں لوٹ سکے۔
ذرائع نے یہ بھی بتایا کہ میڈیکل معائنہ دوبارہ سے کیا جا رہا ہے کیونکہ ذرائع ابلاغ اور عوام کو شک ہے کہ ابو زید دل کے دورے سے نہیں بلکہ جیل میں مصری اہلکاروں کے تشدد سے مارا گیا ہے۔
بشکریہ: مرکز اطلاعات فلسطین