مصر کے دارالحکومت قاہرہ سے موصولہ اطلاعات کے مطابق اسرائیل کے دو مال بردار ہوائی جہازوں کے ذریعے صہیونی سفارتخانے کا سامان واپس لے جایا گیا ہے۔جس کے بعد قاہرہ میں اسرائیل کا سفارت خانہ بندی کردیا گیا ہے۔
مرکزاطلاعات فلسطین کے ذرائع کے مطابق بدھ کو اسرائیل کے دو ہوائی جہاز قاہرہ کے بین الاقوامی ہوائی اڈے پر اترے جہاں ان پر سفارت خانے کا ضروری سامان لوڈ کیا گیا۔ قبل ازیں اسرائیلی حکومت نے مصری درخواست کی تھی کہ وہ سفارت خانے کا سامان اٹھانے کے لیے اسرائیل کے طیاروں کو قاہرہ لینڈنگ کی اجازت دے۔ قاہرہ حکومت نے اسرائیلی حکومت کی درخواست منظور کرتے ہوئے سامان واپس لے جانے کی اجازت دے دی تھی۔
قاہرہ میں اسرائیلی سفارت خانے سے اسرائیل واپس کیےجانے والاسامان پانچ ٹرکوں اور آٹھ چھوٹی گاڑیوں کےذریعے ہوائی اڈے تک لایا گیا۔ قاہرہ ایئرپورٹ کی انتظامیہ کا کہنا ہے کہ انہیں بدھ کو علی الصباح اسرائیل کی جانب سے یہ اطلاع دی گئی تھی کہ ان کے قاہرہ حکومت کے ساتھ مذاکرات کامیاب ہو گئے ہیں اور آج ہم اپنے سفارت خانے کا سامان مصرے واپس لے آئیں گے۔ اس کے لیے اسرائیل سے جلد دو طیارے مصر بھیجے جا رہے ہیں۔
خیال رہے کہ مصر اور اسرائیل کے درمیان سفارتی تعلقات میں کشیدگی اس وقت پیدا ہوئی تھی جب گذشتہ برس اسرائیلی فوج نے مصری علاقے میں گھس کر ایک کارروائی میں مصر کے پانچ فوجیوں کو شہید کر دیا تھا۔ گذشتہ برس اگست میں اس واقعے کے بعد مصر بھر میں اسرائیل کے خلاف بڑے پیمانے پرعوامی احتجاجی مظاہرے ہوئے۔ مظاہرین نے اسرائیلی سفارت خانے پر بھی چڑہائی کر دی تھی جس کے بعد اسرائیلی سفیر واپس چلےگئے تھے۔ اب وہ سامان بھی اٹھا لے گئے ہیں۔ جس کے بعد دونوں ملکوں کے درمیان سفارتی تعلقات مزید خراب ہوں گے۔
بشکریہ: مرکز اطلاعات فلسطین