الرباط (فلسطین نیوز۔مرکز اطلاعات) افریقی ملک مراکش کے وزیراعظم سعد الدین عثمانی نے اسلامی تحریک مزاحمت (حماس) کے سیاسی شعبے کے سربراہ اسماعیل ھنیہ کو یقین دلایا ہے کہ ان کی حکومت غزہ کی پٹی میں زخمی مظاہرین کے علاج کے لیے فیلڈ اسپتال قائم کرے گی۔
فلسطین نیوز کو موصول ہونے والی اطلاعات کے مطابق مراکشیÂ وزیراعظم سعدالدین عثمانی نے ٹیلیفون پر اسماعیل ھنیہ سے بات چیت کرتے ہوئے کہا کہ مراکش کے فرمانروا شاہ محمد ششم نے غزہ میں زخمیوں کے فوری علاج کے لیے فیلڈ اسپتال قائم کرنے کی تاکید کی ہے۔ ان کی ہدایت کے مطابق غزہ میں فیلڈ اسپتال کے قیام کے انتظامات کے لیے مصری حکومت سے تعاون کے لیے بات چیت کی گئی ہے۔قبل ازیں مراکش کے وزیر خارجہ نے بھی اسماعیل ھنیہ سے ٹیلیفون پر بات چیت کی تھی اور یقین دلایا تھا کہ ان کا ملک قضیہ فلسطین اور فلسطینی قوم کی ہرسطح پر حمایت اور مدد جاری رکھے گا۔