فلسطین کے مقبوضہ مغربی کنارے کے جنوبی شہر الخلیل میں منگل کی شام ایک فلسطینی شہری کی کار کی ٹکر سے ایک یہودی آبادکار ہلاک ہوگیا۔
عینی شاہدین نے بتایا کہ فلسطینی شہریوں کے ایک گروپ نے یہودی آباد کار کی کار پر سنگ باری کی، جس کے بعد وہ اپنی کار سے اتر فلسطینیوں کی طرف پیدل چل پڑا اور فلسطینی شہریوں کی کاروں پر سنگ باری شروع کردی۔ اس دوران ایک فلسطینی کار ڈرائیور نے اپنی کار اس پر چڑھا دی جس کے نتیجے میں وہ موقع پر ہی ہلاک ہوگیا جب کہ حملہ آور فلسطینی کامیابی سے موقع سے فرار ہوگیا۔واقعے کے بعد اسرائیلی فوج اور پولیس نے علاقے کو گھیرے میں لے کر سرچ آپریشن شروع کردیا تھا۔ یہودی آباد کار کی ایک گاڑی کے نیچے مردہ حالت میں پڑی تصویر سوشل میڈیا پر بھی شائع کی گئی ہے۔ بعد ازاں اسرائیلی ایمبولینس نے یہودی آباد کار کی میت کو اسپتال منتقل کردیا تھا تاہم صہیونی حکام کی جانب سے اور کی موت کی تصدیق یا تردید نہیں کی گئی۔ فلسطینی شہریوں کا کہنا ہے کہ یہودی آباد کار گاڑی تلے کچلے جانے سے ہلاک ہوگیا تھا۔