رپورٹ کے مطابق عباس ملیشیا کے اہلکاروں نے اتوار کے روز الخلیل شہر میں صوریف کے مقام پر اسرائیلی جیل میں قید کینسر کی مریضہ خاتون عبیر القاضی کے گھر پرچھاپہ مارا۔ تلاشی کی آڑ میں عباس ملیشیا کے اہلکاروں نے گھر میں توڑ پھوڑ کی۔ عبیر کے اہل خانہ نے بتایا کہ عباس ملیشیا کے اہلکاروں کی جانب سے کہا گیا تھا کہ وہ عبیر کے بیٹے کو گرفتار کرنا چاہتے ہیں اور اس کی گرفتاری کے لیے گھر پرچھاپہ مارا گیا ہے۔
ادھر عباس ملیشیا کے اہلکاروں نے غرب اردن میں تلاشی کی مختلف کارروائیوں کے دوران کم سے کم چھ فلسطینی طلباء کو حراست میں لے لیا ہے۔ الخلیل میں جامعات کے طالب علم محمد ابراہیم نجاجرہ کو بیت لحم سے حراست میں لیا گیا۔ اس کے علاوہ فلسطینی رکن پارلیمنٹ محمد ذویگ کا بیٹا خالد طفش جب کہ ایک دوسرے رکن پارلیمنٹ انور زبون کا بیٹا ھمام زبون بھی حراست میں لیا گیا۔الخلیل شہر میں عباس ملیشیا نے احمد الحجاج نامی ایک طالب علم کو سیکیورٹٰ مرکز میں طلب کرنے کے بعد اسے حراست میں لے لیا۔ دو دوسرے طلباء عبیدہ الشیخ اور عثمان الشیخ کو بھی گرفتار کرنے کے بعد حراست مرکز میں منتقل کیا گیا۔