صنعاء – (فلسطین نیوز۔مرکز اطلاعات) نماز جمعہ کے بعد ہزاروں یمنی عوام نے عالمی یوم القدس کے موقع پر عظیم الشان ریلی نکالی۔
فلسطین نیوز کو موصول ہونے والی اطلاعات کے مطابق اس ریلی میں شریک افراد نے ہاتھوں میں بینر اٹھا رکھے تھے جن پر لکھا گیا تھا کہ تجاوز اور فلسطین کے محاصرہ کے باوجود فلسطین ہمارا مسئلہ ہے اور قدس ہمارے جہاد اور مزاحمت کا باعث ہے۔اس مظاہرے کی ابتداء تلاوت کلام پاک اور یمن کے قومی ترانے کے ساتھ ہوئی۔اس مظاہرے میں امریکہ مردہ باد، اسرائیل کینسر ہے، یوم القدس میں آئے ہیں قدس تیری حمایت کو، جیسے نعرے بلند کئے گئے۔