غزہ (فلسطین نیوز۔مرکز اطلاعات) اسرائیلی فوج نے فلسطین کے علاقے غزہ کی پٹی کے قریب صیہونی کالونیوں میں تازہ مشقیں شروع کی ہیں۔ یہ مشقیں چار روز تک جاری رہیں گی۔
فلسطین نیوز کو موصول ہونے والی اطلاعات کے مطابق اسرائیلی فوج کے ترجمان نے ایک بیان میں بتایا کہ فوجی مشقیں سدیروت، علاقائی کونسل شعار ھنیگو میں جاری ہیں جو جمعرات کو ختم ہوں گی۔ترجمان کا کہنا ہے کہ غزہ کی پٹی کی سرحد کے قریب ہونے والی ان مشقوں میں فوجی گاڑیوں کی غیرمعمولی اور غیر مسبوق نقل وحرکت دیکھی جائے گی۔