مقبوضہ بیت المقدس (فلسطین نیوز۔مرکز اطلاعات) اسرائیلی وزیراعظم بنجمن نیتن یاھو اور وزیر دفاع آوی گیڈور لائبرمین کے درمیان اختلافات شدت اختیار کرگئے ہیں۔
فلسطین نیوز کو موصول ہونے والی اطلاعات کے مطابق اسرائیلی اخبارات کی رپورٹس میں بتایا گیا ہے کہ وزیراعظم نیتن یاھو اور وزیر دفاع کے درمیان نئے آرمی چیف کے انتخاب کے معاملے پر پہلے سے اختلافات چل رہے تھے مگر اب وہ اختلافاتÂ منظر عام پر آگئے ہیں۔عبرانی اخبار ’معاریو‘ کے مطابق نامہ نگار بن کاسپیٹ کی تیار کردہ رپورٹ میں کہا گیا ہے کہ اسرائیل کے 22 ویں آرمی چیف کی تقرری کے حوالے سے وزیراعظم اور وزیر دفاع کے درمیان اختلافات جاری ہیں۔ دونوں رہنما موجودہ آرمی چیف جنرل گیڈی آئزن کوٹ کی جگہ اپنی مرضی کا آرمی چیف لانا چاہتے ہیں۔
رپورٹ کے مطابق وزیراعظم میجر جنرل ایال زامیر کو آرمی چیف بنانا چاہتے ہیں مگر وزیردفاع کا اصرار ہے کہ جنر افیف کوشافی اور جنرل نٹزن آلون میں سے کسی ایک کو آرمی چیف کے عہدے پر تعینات کیا جائے۔
حال ہی میں عبرانی اخبار ’یدیعوت احرونوت‘ کو دیے گئے ایک انٹرویو میں لائبرمین نے کہا تھا کہ آرمی چیف وہی ہوگا جس کی میں سفارش کروں گا۔ اس سے وزیراعظم کے ساتھ آرمی چیف کی تقرری کے معاملے میں ان کے اختلافات کا واضح ثبوت ملتا ہے۔