لوانڈا ( فلسطین نیوز۔مرکز اطلاعات) افریقی ملک انگولا نے اسرائیل میں متعین اپنے سفیر کو امریکی سفارت خانے کی بیت المقدس منتقلی کی تقریب میں بغیر اجازت شرکت پر ملک واپس آنے سے روک دیا۔
فلسطین نیوز کو موصول ہونے والی اطلاعات کے مطابق لوانڈا حکومت کا کہنا ہے کہ تل ابیب میں متعین سفیرÂ اور مشرق وسطیٰ کے امور کے ڈائریکٹرنے وزارت خارجہ کے علم میں لائے بغیر 14 مئی کو امریکی سفارت خانے کی القدس منتقلی کی تقریب میں شرکت کی تھی۔ ان دونوں کو حکومت کو بتائے بغیر ایک متنازع تقریب میں شرکت کی پاداش میں ملک سے نکال دیا گیا ہے۔دوسری جانب تنظیم آزادی فلسطین کے سیکرٹری جنرل صائب عریقات نے انگولا کی حکومت کی طرف سے اس اقدام کی تحسین کرتے ہوئے سفیر کی بے دخلی کا خیر مقدم کیا ہے۔