مرکز اطلاعات فلسطین کے مطابق مسٹر اھرونوفٹیچ نے اپنے ایک بیان میں کہا کہ لائبرمین اسرائیل کی وزارت عظمیٰ کے ایک مضبوط امیدوار ہیں۔ وہ اسرائیلی سیاست کے ان چوٹی کے چند رہ نماؤں میں شامل ہیں جو آئندہ اسرائیلی حکومت کی قیادت کی دوڑ میں شامل ہیں۔
تاہم صہیونی وزیر نے یہ بھی کہا کہ لائبرمین کی وزارت عظمیٰ کی دوڑ میں کامیابی کا امکان صرف اسی صورت میں ہوسکتا ہے جب ان کی جماعت "جیوش ہوم” پیش آئند پارلیمانی انتخابات میں بھاری عوامی مینڈیٹ کے ساتھ کامیاب ہو۔ انہوں نے امید ظاہر کی کہ آئندہ حکومت ان کی جماعت ہی بنائے گی۔
خیال رہے کہ حال ہی میں اسرائیلی وزیراعظم بنجمن نیتن یاھو نے اپنے ایک بیان میں کہا تھا کہ پیش آئند پارلیمانی انتخابات میں ان کی جماعت "لیکوڈ” بھرپور طریقے سے حصہ لے گی اور وہ وزیرخارجہ آوی گیڈور لائبرمین کا بھرپور مقابلہ کریں گے کیونکہ لائبرمین بھی وزارت عظمیٰ کی دوڑ میں شامل ہوچکے ہیں۔