(فلسطین نیوز۔مرکز اطلاعات) فلسطینی پناہ گزینوں کے لیے قائم کردہ اقوام متحدہ کی ریلیف اینڈ ورکس ایجنسی کی پناہ گزینوں کے لیے امدادی سروسز کم کرنے پرفلسطینی مہاجرین کا شدید رد عمل سامنے آیا ہے۔ اطلاعات کے مطابق کل جمعرات کو بھی لبنان کے دارالحکومت بیروت میں قائم ’’اونروا‘‘ کے علاقائی دفتر کے باہر سیکڑوں فلسطینی پناہ گزینوں نے احتجاجی مظاہرہ کیا۔
رپورٹ کے مطابق مظاہرین نے ہاتھوں میں بینرز اور کتبے اٹھا رکھے تھے جن پر اونروا کی پالیسی کے خلاف سخت نعرے درج تھے۔ مظاہرین نے ’’اونروا‘‘ کی پالیسی کے خلاف نعرے بازی بھی کی۔
خیال رہے کہ گذشتہ چند مہینوں کے دوران اقوام متحدہ کی ریلیف اینڈ ورکس ایجنسی’’اونروا‘‘ نے پناہ گزینوں کی صحت اور تعلیمی سروسز محدود کرنے کا اعلان کیا تھا، جس کے بعد فلسطینی مہاجرین کی جانب سے سخت رد عمل سامنے آیا ہے۔
بیروت میں پچھلے کئی ہفتوں سے فلسطینی شہری اونروا کی پالیسی کے خلاف احتجاج جاری رکھے ہوئے ہیں۔ کل جمعرات کو بھی سیکڑوں افراد نے امدادی سروسز کم کرنے پر اونروا کے خلاف احتجاج کیا گیا۔