عمان (فلسطین نیوز۔مرکز اطلاعات) اردن میں نئے اسرائیلی سفیر نے اپنی سفارتی اسناد اردنی حکومت کو پیش کر دی ہیں۔
فلسطین نیوز کو موصول ہونے والی اطلاعات کے مطابق عبرانی اخبار ’یدیعوت احرونوت‘ نے اپنی رپورٹ میں لکھا ہے کہ اردن میں نئے اسرائیلی سفیر کی سفارتی اسناد کی پیش کاری کے حوالے سے عمان کے شاہی محل میں ایک تقریب منعقد کی گئی۔ اس تقریب میں اردنی وزارت خارجہ اور دیگر اہم شعبوں کے عہدیدار بھی موجود تھے۔ تقریب میں اسرائیل کا قومی ترانہ ’ھتکفاہ‘ بھی پیش کیا گیا۔اس موقع پر اسرئیلی سفیر امیر فائسپروڈ نے اپنی سفارتی اسناد پیش کیں۔ انہوں نے تقریب سے خطاب میں توقع ظاہر کی کہ اردن اور اسرائیل باہمی اختلافات بھلا کر تعلقات کےایک نئے دور کا اغاز کریں گے۔
بعد ازاں اسرائیلی سفیر کی سفارتی اسناد اردنی فرمانروا شاہ عبداللہ دوم کے سامنے بھی پیش کی گئیں۔