عبرانی نیوز ویب پورٹل "0404” کی رپورٹ کے مطابق فوج اور خفیہ اداروں کو مصدقہ معلومات ملی ہیں جن میں پتا چلا ہے کہ لبنان کی سرحد کے قریب واقع "زرعیت” یہودی کالونی کے نیچے تک سرنگیں کھودی گئی ہیں۔
ذرائع کا کہنا ہے کہ فوج کو زیرزمین کھدائیوں سے کھدائی کا ایک آلہ بھی ملا ہے۔ اس کے علاوہ متعدد اطراف میں سرنگیں بھی کھودی گئی ہیں۔ فوج خفیہ کیمروں کی مدد سے سطح زمین پر کسی قسم کی نقل وحرکت کا پتا لگانے کی کوشش کررہے ہیں۔
ذرائع کا کہنا ہے کہ فوج نے حال ہی میں سرحدی علاقے میں سرنگوں کی تلاش کا آپریشن شروع کیا تو انہیں مبینہ طور پر لبنانی مزاحمت کاروں اور حزب اللہ کی جانب کھودی گئی سرنگیں ملی ہیں۔ حزب اللہ کی جانب سے یہ سرنگیں اپنے مزاحمت کاروں کو اسرائیل میں داخل کرنے اور صہیونی فوج پر حملوں کے لیے کھود رکھی ہیں۔
بشکریہ:مرکزاطلاعات فلسطین