مقبوضہ بیت المقدس (فلسطین نیوز۔مرکز اطلاعات) اسرائیلی حکام نے ایران کی طرف سے حملے کے خطرے کے پیش نظر تمام جوہری اور ایٹمی تنصیبات کی سیکیورٹی میں اضافہ کردیا ہے۔
فلسطین نیوز کو موصول ہونے والی اطلاعات کے مطابق اسرائیلی انٹیلی جنس ایجنسی کے ڈائریکٹر ’زئیف سنیر‘ نے ایک بیان میں کہا کہ صیہونی ریاست کو خدشہ ہے کہ ایران کسی بھی وقت جوہری تنصیبات کو نشانہ بنا سکتا ہے۔ یہی وجہ ہے کہ سیکیورٹی ادارے جوہری تنصیبات کی سیکیورٹی کے حوالے سے مزید اقدامات کررہے ہیں۔اخبار ’یروشلم پوسٹ‘ کی رپورٹ کے مطابق اسرائیلی جوہری توانائی ایجنسی کے سربراہ نے ان خیالات کا اظہار آسٹریا میں کے دارالحکومت ’ویانا‘ میں ہونے والی 62 ویں سالانہ جوہری کانفرنس سے خطاب میں کیا۔
سنیر کا کہنا تھا کہ ایران کی طرف سے حملوں کی دھمکیوں کو نظرانداز نہیں کیا جاسکتا۔ جوہری تنصیبات کی سیکیورٹی بڑھانے کا مقصد ایران کی طرف سے لاحق خطرات کا تدارک کرنا ہے۔