نیویارک (فلسطین نیوز۔مرکز اطلاعات) فلسطین کے بارے میں عرب ممالک کی خاموشی پر البرادعی نے شدید تنقید کی ہے۔
فلسطین نیوز کو موصول ہونے والی اطلاعات کے مطابق عالمی جوہری ادارے کے سابق ڈائریکٹر محمد البرادعی نے فلسطین کے خلاف امریکی اقدامات پر عرب حکمرانوں کی خاموشی پر شدید تنقید کرتے ہوئے انھیں امریکی آلہ کار قراردیا ہے۔
محمد البرادعی نے کہا کہ امریکہ نے فلسطینیوں کی 200 ملین ڈالر کی امداد بند کردی ہے جبکہ عرب ممالک کی امریکہ کو امداد کا سلسلہ جاری ہے۔انھوں نے کہا کہ بدقسمتی سے اکثر عرب ممالک، فلسطین کے بارے میں امریکہ کے ظالمانہ اقدامات پر خاموش تماشائی بنے ہوئے ہیں۔
عرب ذرائع کے مطابق سعودی عرب کی جانب سے امریکہ اور اسرائیل کی حمایت کا سلسلہ جاری ہے ۔ آل سعود جزیرۃ العرب میں اپنا اقتدار بچانے کے لئے امریکہ اور اسرائیل کی حمایت پر منحصر کرتے ہیں ۔