مقبوضہ بیت المقدس (فلسطین نیوز۔مرکز اطلاعات) اسرائیلی فوج کی طرف سے قیدیوں کی سزا کی معافی کی ذمہ دار کمیٹی کی طرف سے فلسطینی نوجوان عبدالفتاح الشریف کے قاتل فوجی کی سزائے قید میں تخفیف کے بعد 10 مئی کو رہا کرنے کا فیصلہ کیا ہے۔
فلسطین نیوز کو موصول ہونے والی اطلاعات کے مطابق اسرائیلی اخبارات نے اپنی رپورٹ میں بتایا ہے کہ ملٹری کمیٹی نے فلسطینی نوجوان کے قاتل الیور ازاریا کی مدت حراست میں کمی کے بعد جلد رہا کرنے کا فیصلہ کیا ہے۔اسرائیلی فوجی کمیٹی کی طرف سے کہا گیا ہے کہÂ الیور ازاریا کہ مدت حراست کی سزا میں دو تہائی کمی کے بعد صرف 14 ماہ کردی ہے جس کے بعد اسے 10 مئی 2018ء کو رہا کیا جائے گا۔
خیال رہے کہ اسرائیلیÂ صدر نے 18 اپریل کے موقع پر اسرائیل کے فلسطین پر قبضے کی سالگرہ کے موقع پر فلسطینی نوجوان عبدالفتاح الشریف کو بغیر کسی خطرے کے گولیاں مار کر شہید کرنے کے جرم میں ملوث سپاہی الیئور ازاریا کی سزا معاف کرنے کا عندیہ دیا ہے۔
خیال رہے کہ اسرائیلی فوجی اہلکار نے عبدالفتاح الشریف کو 24 مارچ 2016ء کو غرب اردن کے شہر الخلیل میں اس وقت گولیاں مار کر شہید کردیا تھا جب وہ پہلے ہی گولیاں لگنے سے شدید زخمی تھا اور حرکت نہیں کرسکتا تھا۔
فلسطینی نوجوان کو بے رحمی کے ساتھ شہید کرنے کے مرتکب فوجی اہلکار کو اس وقت ملازمت سے ہٹایا گیا جب انسانی حقوق کی تنظیموں نے واقعے کی ایک ویڈیو جاری کی۔ فوٹیج وائرل ہونے کے بعد الئیور ازایار کو فوج کی ملازمت سے ہٹا دیا گیا اور اس کے خلاف فوجی عدالت میں مقدمہ چلایا گیا۔ اسرائیلی عدالت نے مجرم کو نام نہاد سزا سناتے ہوئے ڈیڑھ سال کے لیے جیل بھیجنے کا حکم دیا تھا۔