ناصرہ (فلسطین نیوز۔مرکز اطلاعات) درجنوں فلسطینی باشندوں نے تل ابیب میں امریکی سفارتخانے کے باہر جمع ہو کر امریکہ کی جانب سے بیت المقدس کو اسرائیلی دارالحکومت تسلیم کرنے کے خلاف احتجاج کیا۔
فلسطین نیوز کو موصول ہونے والی اطلاعات کے مطابق مظاہرین نے فلسطینی پرچم کو لہراتے ہوئے بینر اٹھا رکھے تھے جن پر "ہم بیت المقدس کو غاصب اسرائیل کے حوالے نہیں کریں گے” کے نعرے درج تھے۔ کچھ افراد نے امریکی صدر ڈونلڈ ٹرمپ کے سانپ سے مشابہ تصاویر والے پوسٹر بھی اٹھ رکھے تھے۔اس مظاہرے کا اہتمام عرب مانیٹرنگ کمیٹی کی جانب سے کیا گیا تھا۔ مظاہرے کے شرکاء میں عرب ارکان پارلیمان سمیت انسانی حقوق کے لئے کام کرنے والے سماجی کارکنان شامل تھے۔