’اولمرٹ‘ قاتل اور دہشت گرد، اس کی تحسین فلسطینی قوم کی توہین ہے: القرعاوی

رام اللہ (فلسطین نیوز۔مرکز اطلاعات) ’محمود کی طرف سے فلسطینیوں کے قاتل ایہود اولمرٹ کی تحسین اور تعریف قوم کی توہین کے مترادف ہے۔ اولمرٹ ایک دہشت گرد ہے اور اس کی تحسین کرنے والے قوم کے خیر خواہ نہیں‘۔ یہ کہنا ہے فلسطینی پارلیمنٹ کے رکن اور طولکرم سے تعلق رکھنے والے مقامی فلسطینی رہنما فتحی القرعاوی کا۔ ان کا کہنا ہے کہ ایہود اولمرٹ فلسطینی قوم کا بدترین دشمن اور قاتل ہے۔ صدر محمود عباس کی طرف سے اس کی تعریف توصیف فلسطینی قوم کی توہین کے مترادف ہے۔

فلسطین نیوز کو موصول ہونے والی اطلاعات کے مطابق اپنے ایک بیان میں القرعاوی کا کہنا تھا کہ صدر محمود کا فلسطینیوں کے قاتل ایہود اولمرٹ سے فرانس میں ملاقات کرنا اور اس سے ہاتھ ملانا فلسطینی قوم کی تذلیل اورتوہین کے مترادف ہے۔ اولمرٹ  فلسطینیوں کا قاتل اورجنگی مجرم ہے۔ اولمرٹ ملاقات اور تحسین کے قابل نہیں۔ وہ سنہ 2008ء میں فلسطینی قوم کے خلاف جنگی جرائم میں ملوث رہ چکا ہے۔ اس نے غزہ  اور غرب اردن میں فلسطینیوں پر جنگ مسلط کی۔

القرعاوی کا کہنا تھا کہ محمود عباس نے اولمرٹ سے ملاقات کرکے فلسطینی قوم کے خون، شہداء اور ہزاروں زخمیوں کے ساتھ غداری کی۔ فلسطینی قوم صیہونی ریاست کے جرائم اور منظن صیہونی مافیا کی دہشت گردی کا شکار ہیں۔

القرعاوی نے فلسطینیوں کے خلاف اسرائیلی ریاستی دہشت گردی کا مظاہرہ کیا اور یہ سلسلہ ایہود اولمرٹ کے دور میں  بھی جاری رہا ہے۔ اولمرٹ فلسطینیوں کا قاتل ہے اور اس کے ساتھ ہاتھ ملانے والے فلسطینی قوم کے خیر خواہ نہیں ہو سکتے۔