فلسطین نیوز کو موصول ہونے والی اطلاعات کے مطابق 18 دسمبر بہ روز سوموار استنبول میں ’میثاق علماء امت‘ کےنام سے اس نئے معاہدےÂ کو لانچ کیا جائے گا۔ اس میثاق کا مقصد صیہونی ریاست کے دنیا بھر میں بڑھتے سفارتی تعلقات کے آگے روک لگانا ہے۔
علماء امت کمیٹی کے کے ترجمان ڈاکٹر وصفی عاشور ابو زید نے ایک پریس کانفرنس کےدوران بتایا کہ ’عالمی میثاق علماء امت ‘ کےاجراء کا مقصد صیہونی ریاست کے خلاف ایک نیا سیاسی اور دینی محاذ تشکیل دینا ہے۔
ان کا کہنا تھا کہ میثاق امت کے ذریعے دنیا بھر کے مذہبی طبقات تک اپنا پیغام پہنچائیں گے۔ صیہونی ریاست کے خلاف ہرطرح کے وسائل کو استعمال کرتے ہوئے قضیہ فلسطین کے منصفانہ اور عادلانہ حل کی مساعی جاری رکھیں گے۔
ڈاکٹر عاشور کا کہنا تھا کہ ہمیں آنے والی مسلمان نسلوں تک پیغام پہنچانا ہےالقدس کو طاقت کے ذریعے یہودیانے کی اجازت نہیں دی جائے گی۔ ان کا کہنا تھا کہÂ میثاق علماء امت کا باقاعدہ آغاز استنبول میں ایک پریس کانفرنس کے دوران کیا جائے گا۔