مقبوضہ بیت المقدس (فلسطین نیوز۔مرکز اطلاعات) اسرائیلی میڈیا کے مطابق ایک کیمپ میں تعینات اسرائیلی فوجی افسر سمیت متعدد اہلکار زخمی ہوگئے تاہم ان کے زخمی ہونے کا سبب سامنے نہیں لایا گیا۔
فلسطین نیوز کو موصول ہونے والی اطلاعات کے مطابق عبرانی ویب سائیٹ ’مفزاک لایو‘ کی رپورٹ میں بتایا گیا ہے کہ جنوبی فلسطین میں قائم ’نیفاتیم فضائی‘ اڈے پر تعینات متعدد اسرائیلی فوجی اہلکار زخمی ہوگئے۔عبرانی ویب سائیٹ کے مطابق زخمی فوجیوں کو ہیلی کاپٹر کے ذریعے اسپتال منتقل کیا گیا ہے۔ زخمیوں میں سے بعض کو درمیانے اور بعض کو ہلکے درجے کے زخم آئے ہیں۔ تاہم ان کے زخمی ہونے کا سبب ظاہر نہیں کیا گیا ہے۔