(فلسطین نیوز۔مرکز اطلاعات) اسرائیل کے پراسیکیوٹر جنرل نے ایک پولیس اہلکار کے خلاف فوجی اڈے سے بم چوری کرنے کے جرم میں قانونی کارروائی کا آغاز کیا ہے۔ فلسطین نیوز کو موصول ہونے والی اطلاعات کے مطابق ملزم پولیس اہلکار نے اعتراف کیا ہے کہ اس نے ایک فوجی اڈے سے تین بم چوری کرکے انہیں فروخت کرنے کا فیصلہ کیا تھا تاہم وہ پکڑا گیا تھا۔
رپورٹ کے مطابق اسرائیلی بارڈر پولیس کے ایک اہلکار کے خلاف بم چوری کے الزام میں عدالت میں قانونی کارروائی شروع ہوگئی ہے۔ ملزم نے اعتراف کیا ہے کہ اس نے مشرقی بیت المقدس میں ابو دیس کے مقام پر ایک فوجی اڈے سے تین بم چوری کیے تھے۔ وہ انہیں فروخت کرنا چاہتا تھا مگر گھرجاتے ہوئے ریلوے اسٹیشن پر سامان کی تلاشی کے دوران بم پکڑے گئے تھے۔
رپورٹ میں بتایا گیا ہے کہ ملزم نے عدالت کے روبرو بیان میں اعتراف کیا ہے کہ اس نے تین دستی بم ایک اڈے اسے چرائے تھے۔
ادھر پراسیکیوٹر جنرل نے عدالت سے سفارش کی ہے کہ ملزم کو چھ ماہ تک پبلک امور انجام دینے کی سزا دی جائے کیونکہ اس نے سرکاری ملازم اور حساس منصب پرہونے کے باوجود اڈے سے دستی بم چوری کرکے سنگین جرم کیا ہے۔
توقع ہے کہ عدالت دو ہفتوں کے اندر ملزم کے خلاف فیصلہ سنا دے گی۔