مقبوضہ بیت المقدس (فلسطین نیوز۔مرکز اطلاعات) اسرائیل کی مجسٹریٹ عدالت نے پولیس کے ذریعے بیت المقدس سے تعلق رکھنے والے پانچ فلسطینی شہریوں کی مسجد اقصیٰ میں داخلے پر15 دن کے لیے پابندی عائد کردی ہے۔
فلسطین نیوز کو موصول ہونے والی اطلاعات کے مطابق کلب برائے اسیران کے مطابق فلسطینی وکیل مفید الحاج نے بتایا کہ اسرائیلی عدالت نے زیرحراست پانچ فلسطینیوں کو رہا کرنے کرنے کے بعد انہیں پندرہ دن تک مسجد اقصیٰ میں نماز ادا کرنے سے روک دیا ہے۔انہوں نے بتایا کہ صیہونی عدالت نے پانچ فلسطینی شہریوں عوض سلامہ، ان کے بھائی اشرف، طارق ،احمد العموری اور محمد الشلبی کو اس شرط پر رہا کیا کہ وہ دو ہفتے تک مسجد اقصیٰ میں نماز ادا نہیں کریں گے۔ اس کے علاوہ ان کی رہائی پش فی کس 10 ہزار شیکل کی ضمانت بھی مقر کی گئی ہے۔
اسرائیلی مجسٹریٹ عدالت کا کہنا ہے کہ پانچ فلسطینی اسرائیل مخالف احتجاجی مظاہروں میں حصہ لے رہے تھے۔ اس لیے انہیں مسجد اقصیٰ میں نماز کی ادائیگی سے روکا گیا ہے۔