رپورٹ کے مطابق کابینہ کے آئندہ اتوار کے روز ہونے والے اجلاس میں غرب اردن کی یہودی کالونیوں کے لیے 45 ملین شیکل کے اضافی بجٹ کی منظوری دی جائے گی۔ یہ بجٹ گذشتہ چھ ماہ سے فلسطین میں جاری تحریک انتفاضہ القدس کے اثرات کم کرنے اور یہودی آباد کاروں کو مزید مطمئن کرنے کے لیے منظور کیا جا رہا ہے۔
نئے اضافی رقم غرب اردن میں قائم یہودی کالونیوں میں انفرااسٹرکچر کی بہتری کے ساتھ ساتھ امن وامان کی صورت حال بہتر بنانے کے لیے مختلف منصوبوں پر خرچ کی جائے گی۔ ان میں سے 15 ملین شیکل کی رقم یہوی کونسلوں کی تعمیراتی کاموں اور بنیادی ڈھانچے کی مضبوطی کے لیے وقف کی جا رہی ہے۔
ذرائع کا کہنا ہے کہ اسرائیلی حکومت یہودی کالونیوں کو فلسطینی مزاحمت کاروں سے محفوظ رکھنے کے لیے بھی ہنگامی بجٹ کی منظوری پربھی غوری کررہی ہے۔ نئے بجٹ سے کالونیوں میں بڑے ہوٹلوں اور سیاحتی مراکز کا قیام بھی شامل ہے تاکہ زیادہ سےزیادہ غیرملکیوں کے لیے کالونیوں میں سیاحتی کشش پیدا کی جاسکے۔