مقبوضہ بیت المقدس (فلسطین نیوز۔مرکز اطلاعات) عبرانی ذرائع ابلاغ نے انکشاف کیا ہے کہ اس بار اقوام متحدہ میں اسرائیلی سفیر کی جانب سے قیام اسرائیل کے 70 سال پورے ہونے پر پانچ روزہ تقریبات منائی جا رہی ہیں۔ ان تقریبات میں ماضی کی نسبت زیادہ ممالک کے مندوبین اور سفیر شرکت کریں گے۔
فلسطین نیوز کو موصول ہونے والی اطلاعات کے مطابق عبرانی ویب سائیٹ ’روٹر‘ نے اپنی رپورٹ میں بتایا ہے کہ اقوام متحدہ میں ہونے والی پانچ روزہ تقریبات میں 40 ممالک کے سفیروں کی شرکت متوقع ہے۔ویب سائیٹ کے مطابق قیام اسرائیل کے ستر سال پورے ہونے کے حوالے سے یہ تقریبات اقوام متحدہ میں اسرائیلی سفیر ڈانی ڈانون کی زیرنگرانی ہوں گی۔
ان تقریبا میں صربیا، جمایا،بوسنیا، ہنگری، یوکرائن، یوگنڈا، مالٹا اور ایتھوپیا سمیت دوسرے ممالک کے سفیر شریک ہوں گے۔
عبرانی ویب سائیٹ کے مطابق اقوام متحدہ میں اسرائیل کے قومی دن کی تقریبات میں کسی عرب ملک کا کوئی سفیر شرکت نہیں کرے گا۔ یاد رہے کہ سنہ2016ء میں اقوام متحدہ میں ہونے والی ایسی کی تقربات میں صرف 9 ممالک کے سفیروں نے شرکت کی تھی۔