مرکز اطلاعات فلسطین کے مطابق لندن وزارت خارجہ سے وابستہ ایک باخبر صحافی نے اطلاع دی ہے کہ برطانوی حکومت اسرائیل کو برآمد کردہ جنگی آلات پرسخت پریشان تھی۔ اب اس نے چھان بین کے بعد ایک درجن ایسےآلات کی اسرائیل کو فراہمی روکنے کا فیصلہ کیا ہے جنہیں مبینہ طور پر غزہ کی پٹی میں حالیہ جنگ میں استعمال کیا گیا تھا۔ ذرائع کا کہنا ہے کہ لندن حکومت کو یہ خبر ملی ہے کہ اسرائیل نے اس کے فراہم کردہ جنگی آلات کو غزہ کی پٹی میں فلسطینی مزاحمت کاروں کے راکٹ حملوں کے جواب میں استعمال کیا ہے۔ برطانوی حکومت ایسے آلات کو غزہ کی پٹی میں اسرائیلی فوجی کارروائی میں استعمال کرنے کی ہرگز اجازت نہیں دے سکتی ہے۔
لندن وزارت خارجہ نے اسرائیل کو برآمد کردہ سامان حرب و ضرب کی ایک فہرست مرتب کی جس میں اتبدائی طورپر جنگ میں استعمال ہونے والے ایک درجن آلات کی اسرائیل کو فراہمی روکنے کا فیصلہ کیا ہے۔ لندن وزارت خارجہ کے ذرائع کا کہنا ہے کہ فلسطینی مزاحمت کاروں اور اسرائیل کے درمیان جنگ بندی چل رہی ہے۔ ایسے میں برطانوی حکومت فریقین پر جنگ بندی کو مستقل معاہدے کی شکل میں ڈھالنے پر زور دیتی رہے گی۔ اگر جنگ بندی ختم ہونے کے بعد غزہ میں جنگ دوبارہ چھڑتی ہے تو اسرائیل کو وہ بارہ جنگی آلات فروخت نہیں کیے جائیں گے۔