انقرہ (فلسطین نیوز۔مرکز اطلاعات) ترکی کی حکومت نے فلسطینی پناہ گزینوں کی بہبود کے لیے کام کرنے والے ادارے ریلیف اینڈ ورکس ایجنسی ’اونروا‘ کو فلسطینی پناہ گزینوں کے لیے ایک کروڑ ڈالر کی اضافی امداد فراہم کرنے کا اعلان کیا ہے۔
فلسطین نیوز کو موصول ہونے والی اطلاعات کے مطابق ’اونروا‘کی طرف سے جاری کردہ ایک بیان میں کہا گیا ہے کہ ترکی نے فلسطینی پناہ گزینوں کے لیے 26 ہزار میٹرک ٹک گندم کا آٹا فراہم کرنے کی بھی منظوری دی ہے۔ یہ آٹا غزہ کی پٹی میں موجود فلسطینی پناہ گزینوں کے خوراک کے لیے بھیجا جائے گا۔ادھر بدھ کو اقوام متحدہ کی ریلیف اینڈ ورکس ایجنسی ’اونروا‘ کے انسپکٹر جنرل پییر کرینپول نے ترک صدر طیب ایردوآن سے ملاقات کی۔ اس موقع پر ترک صدر نے کہا کہ ان کی حکومت فلسطینی پناہ گزینوں کے لیے ہرممکن مالی مدد فراہم کرنے کا سلسلہ جاری رکھے گی۔
اقوام متحدہ کے عہدیدار اور ترک صدر کے درمیان یہ ملاقات ایک ایسے وقت میں ہوئی ہے جب غزہ، غرب اردن اور پورے مشرق وسطیٰ میں حالات ڈرامائی انداز میں تبدیل ہو رہے ہیں۔