تہران – (فلسطین نیوز۔مرکز اطلاعات) اسلامی تحریک مزاحمت ’حماس‘ کے سیاسی شعبے کے نائب صدر صالح العاروری کی قیادت میں جماعت کا اعلیٰ اختیاراتی وفد گذشتہ روز خصوصی دورے پر ایران پہنچا ہے۔
فلسطین نیوز کو موصول ہونے والی اطلاعات کے مطابق حماس وفد چند روزہ دورے کے دوران ایرانی قیادت سے ملاقات کرے گا۔
ایرانی قیادت کے ساتھ ہونے والی ملاقاتوں میں فلسطین کی تازہ ترین صورت حال، ایران اور حماس کے درمیان دو طرفہ تعلقات، فلسطینیوں میں مصالحت اور اسرائیلی ریاست کے ساتھ جاری کشمکش میں پیش رفت پر تبادلہ خیال کیا جائے گا۔وفد کی قیادت جماعت کے سیاسی شعبے کے نائب صدر العاروری کررہے ہیں جب کہ جماعت کے سیاسی شعبے کے رکن عزت الرشق، محمد نصر،اسامہ حمدان، زاھر جبارین، سامی ابو زھری اور خالد القدومی بھی شامل ہیں۔