سلفیت (فلسطین نیوز۔مرکز اطلاعات) اسلامی تحریک مزاحمت ’حماس‘ کے ایک سرکردہ رہنما اور کئی سال اسرائیلی جیلوں میں قید رہنے والے عزالدین فتاش ازبیدیہ منگل کی شام دل میں تکلیف کے باعث انتقال کرگئے۔
فلسطین نیوز کو موصول ہونے والی اطلاعات کے مطابق حماس کے سیاسی شعبے کے رکن حسام بدران نے بتایا کہ عزالدین فتاش تل میں تکلیف کے باعث اسپتال منتقل کیے گئے مگرعارضہ قلب جان لیوا ثابت ہوا۔حسام بدران نے عزالدین فتاش کی وفات پرگہرے دکھ اور افسوس کا اظہار کیا ہے اور کہا کہ فتاش جماعت کے بانی رہنماؤں میں شامل تھے اور انہوں نے حماس اور فلسطینی قوم کے لیے بے پناہ قربانیاں دی تھیں۔
رپورٹ کے مطابق مرحوم سلفیت میں حماس کے سرکردہ رہنماؤں میں شمال رہے ہیں۔ ان کی وفات سے حماس اور فلسطینی قوم ایک عظیم رہنما سے محروم ہوگئی ہے۔
مرحوم اپنی زندگی میں اسرائیلی فوج کے ہاتھوں کئی بار گرفتار کیے گئے اور انہیں دوران حراست انسانیت سوز مظالم کا سامنا کرنا پڑا۔