اریحا – (فلسطین نیوز۔مرکز اطلاعات) حماس کے اریحا میں رہنما شاکر عمارہ نے تمام فلسطینی تنظیموں اور گروپس سے مطالبہ کیا ہے کہ وہ اسرائیلی جیلوں میں مقید فلسطینی اسیران کی حمایت کریں اور بھوک ہڑتالی اسیران کے ساتھ یکجہتی کے اظہار کی تقریبات بھرپور طریقے سے منعقد کریں۔
فلسطین نیوز کو موصول ہونے والی اطلاعات کے مطابق شاکر عمارہ کی جانب سے جاری کردہ ایک بیان میں کہا گیا کہ بھوک ہڑتالی اسیران کا حوصلہ صرف اسی بات سے بڑھ گیا ہے کہ مختلف جماعتوں سے تعلق رکھنے والے رہنمائوں نے اس بھوک ہڑتال میں شمولیت کا اعلان کیا ہے۔حماس رہنما نے فلسطینی عوام سے مقامی اور بین الاقوامی سطح پر ہونے والے پروگرامات میں بھرپور شرکت کا مطالبہ کیا تاکہ اسرائیلی حکام پر دبائو ڈال کر ان سے اسیران کے تمام مطالبات منوا لئے جائیں۔