غزہ (فلسطین نیوز۔مرکز اطلاعات) جنوبی افریقہ کی حکمراں جماعت ’افریقن نیشنل کانگریس‘ کے سالانہ اجتماع عام میں نئی قیادت کا انتخاب عمل میں لایا گیا ہے۔ دوسری جانب اسلامی تحریک مزاحمت ’حماس‘ نےجنوبی افریقہ کی نئی قیادت کے انتخاب پر جماعت کو مبارک باد پیش کی ہے۔
فلسطین نیوز کو موصول ہونے والی اطلاعات کے مطابق جنوبی افریقہ کی حکمراں جماعت کے سالانہ اجلاس میں نئی قیادت کے چناؤ کے حوالے سے ہونے والے انتخابات کے نتائج کا اعلان کیا گیا۔افریقن نیشنل کانگریس کے سالانہ کنونشن میں حماس اور تحریک فتح کی قیادت بھی شریک ہے۔
حماس نے ایک بیان میں جنوبی افریقا کی حکمراں جماعت کے فلسطینیوں کی حمایت پرمبنی پالیسی کوخراج تحسین پیش کیا ہے۔ جنوبی افریقہ کی حکمراں جماعت نیشنل کانگریس نے غربت اور نسل پرستی کے خلاف بھرپور اور جاندار جنگ لڑی۔ فلسطینی قوم اور حماس کو بھی جنوبی افریقہ کی نسل پرستی اور نوآبادیاتی نظام کے خلاف پالیسی پر فخر ہے۔