(روز نامہ قدس ۔آنلائن خبر رساں ادارہ ) حماس رہنما نے کہا کہ عرب ملکوں کی اسرائیل دوستی کے باوجودفلسطینیوں نے اسرائیل کو تسلیم کیا ہے نہ کبھی کریں گے اوروہ وقت دور نہیں جب ہم مسجد اقصیٰ کو دشمن کے ناپاک پنجوں سے آزاد کرا کر آزادی کے ساتھ وہاں عبادت کریں گے۔
مقبوضہ فلسطین میں صیہونی ریاستی دہشتگردی اور بدترین مظالم کے خلاف برسرپیکار اسلامی مزاحمتی تحریک حماس کے سیاسی شعبے کے سربراہ یحییٰ السنوار نےگذشتہ روز غزہ کی پٹی میں فلسطینی مزاحمت کی حمایت میں مقامی قبائلی عمایدین کے اجتماع سے خطاب کرتے ہوئے کہا ہے کہ القدس اور مسجد اقصیٰ پر قابض دشمن سے آزادی کی منزل بہت قریب ہے اور وہ وقت زیادہ دور نہیں جب ہم مسجد اقصیٰ کو دشمن کے ناپاک پنجوں سے آزاد کرا کر آزادی کے ساتھ وہاں عبادت کریں گے۔
یحییٰ السنوار نے کہا کہ معرکہ القدس کی کامیابی میں پوری قوم کا کردار ہےاس معرکہ کی فتح ونصرت میں پوری فلسطینی قوم نے اپنا کردار ادا کیا ہے۔
حماس رہنما نے کہا کہ عرب ملکوں کی اسرائیل دوستی کے باوجودفلسطینیوں نےاسرائیل کو تسلیم کیا ہے نہ کبھی کریں گےاور فلسطین کی آزادی تک ہماری قوم اپنے حقوق کے مطالبات پرقائم ہے اور رہے گی۔
حماس رہنما نے مزید کہا کہ معرکہ القدس کی فتح کی طرح جلد ہی غزہ کی ناکہ بندی کے خاتمے کا بھی اعلان کیا جائےگاجبکہ وہ وقت بھی زیادہ دور نہیں جب فلسطینی قوم آزادی کی منزل سے ہم کنار ہوگی اور القدس اور مسجد اقصیٰ کو بھی دشمن سے آزاد کرایا جائےگا۔
