مرکزاطلاعات فلسطین کے مطابق القسام بریگیڈ کے ترجمان ابو عبیدہ نے اپنے ایک بیان میں کہا کہ جزیرہ سیناء میں جو کچھ ہو رہا ہے اسے فلسطینی مجاھدین کے سرنہ تھوپا جائے۔ سینا میں کشیدگی پرحماس اور القسام کو مورد الزام ٹھہرانا حقائق سے صرف نظرکرنے، انتشار کو مزید ہوا دینے اور فتنہ وفساد پھیلانے کے مترادف ہے۔
بیان میں کہا گیا ہے کہ القسام نے ایک سے زائد بار اپنے اصولی موقف کی وضاحت کی ہے اور بتایا ہے کہ ان کا جزیرہ سیناء میں دہشت گردی اور انتہا پسندی سے کوئی نہیں ہے۔ اس کے باوجود اسرائیلی حکام، فلسطینی اتھارٹی اور مصری ذرائع ابلاغ مسلسل القسام بریگٰیڈ کو مورد الزام ٹھہرا کر دروغ گوئی اور حقائق سے صرف نظر کرنے کی کوشش کررہے ہیں۔
خیال رہے کہ حال ہی میں جزیرہ سیناء میں دہشت گردی کے واقعات میں متعدد مصری فوجی ہلاک ہوگئے تھے۔ ان واقعات کے بعد مصر اور اسرائیل کی جانب سے الزام عاید کیا گیا تھا کہ دہشت گردی کے پیچھے فلسطینی تنظیم حماس کےعسکری ونگ القسام بریگیڈ کا بھی ہاتھ ہے، تاہم وہ اس الزام کے ثبوت فراہم نہیں کرسکے ہیں۔
بشکریہ:مرکزاطلاعات فلسطین