فلسطینی اتھارٹی کے زیرانتظام سیکیورٹی اداروں نے مقبوضہ مغربی کنارے کے شہر نابلس میں اسلامی تحریک مزاحمت”حماس” کے کارکنوں کے خلاف تازہ کریک ڈائون شروع کیا ہے جس میں اب تک کئی افراد کو حراست میں لیا گیا ہے۔
مرکز اطلاعات فلسطین کے مطابق گذشتہ 48 گھنٹے سے جاری وحشیانہ کریک ڈٍائون میں کم سے کم 30 کارکنوں کو حراست میں لینے کے بعد مختلف سیکیورٹی مراکز میں منتقل کر دیا گیا ہے۔
پی آئی سی کے نامہ نگاروں کی رپورٹس کے مطابق حراست میں لیے جانے والے تمام افراد پر غزہ کی پٹی میں اسرائیلی فوج کی جارحیت کے خلاف احتجاجی جلوس منظم کرنے اور صہیونی ریاست کے خلاف مظاہروں کا الزام عائد کیا گیا ہے۔ عباس ملیشیا نے حماس کے درجنوں کارکنوں کو فوری طور پر خود کو حکام کے حوالے کرنے کے نوٹسز بھی جاری کیے ہیں۔
عینی شاہدین کے مطابق زیادہ گرفتاریاں نابلس کے عورتا قصبے سے کی گئیں۔ چھاپوں کا سلسلہ بدستور جاری ہے جس کے نتیجے میں شہری سخت پریشان ہو چکے ہیں۔